الأكثر مشاهدة
عيون بهية
محمد العزبي
كلمات: محمد حمزة.
ألحان: بليغ حمدي

 يا بهية خبريني .. مالهم بيكي اللايمين
دي عيونك يا صبية .. بالحب مليانين
كل مجاريح الهوا .. بيقولوا هي بهية
كل عشاق الهوا .. ظالمين بهية بهية
ظلموا البنية .. يا عينيا .. و كل الحكاية .. عيون بهية

ولا حد عدى .. ولا مرة هدى .. وشاف عينيها الا و مال
قالوا عن بهية .. ظلموا البنية
و اللي في عينيها .. ملقاش مودة .. ظلم الصبية و راح و قال
قالوا عن بهية .. ظلموا البنية
قالوا عن بهية .. ملهاش عزيز ولا حبيب
عيونها تقتل .. ملهاش دوا ولا طبيب
قالوا ع البنية .. وياما قالوا
اللي في هواها .. يا عيني مالوا
ظلموا البنية يا عينيا .. و كل الحكاية .. عيون بهية

ياما ياما .. و ياما قلوب .. دوبها و ياما.. دوب
حسن الصبية .. ياما ياما
كل الولاد .. في اخر البلاد .. عشقوا البنية .. ياما ياما
غارت الصبايا .. حتى المرايا حسدت بهية .. و عيون بهية
عشقوا الصبية .. و ياما مالوا
قالوا ع البنية .. و ياما قالوا

عيني رأت غزاله واقفه مع الزيات
لا بتشترى زيت ولا بتفارق الزيات
انما لها جوز عيون سود وخدود حمر
بغمازات قولتلها ياحلوة تتجوزينى
قالت هات فلوسك هات
ناولتها المية فوق الالف .. قالت: اشرب بيهم شربات
دا غيرك عمللي سبع ملايين جنيهات ذهب
وسبع فدادين قصب خالين
من السوسه على بس بوسه ولسا بقوله هات


 

2021-06-18
عدد مرات الاستماع : 3881